بالفيديو: اعملي احلي عزومة فراخ وبامية بالتفصيل خطوه خطوه

لو عندك عزومة ومحتاجة تنوعي في الاصناف والافكار, رقيقة هتساعدك وتوفرلك طلبك. بالفيديو: اعملي احلي عزومة فراخ وبامية بالتفصيل خطوه خطوه فشاهدي معنا.

مقادير فراخ محشية بالفريك:

  • 2 فرخة متنضفة وغسولة جيدا.
  • سمنة وزيت.
  • فريك متنقي ومغسول.
  • ملح.
  • فلفل اسود.
  • حبهان.
  • مستكة.
  • ورق لورا.
  • بصلاية.
  • حبة طماطم.

طريقة تحضير فراخ محشية بالفريك:

  1. قومي بتسخين القليل من الماء علي النار ثم ضعي فيه الفريك لينقع قليلا.
  2. ضعي القليل من السمنة والزيت علي النار في اناء ليسخن ثم ضيفي الفريك الي النار وقلبيه ثم ضيفي الملح والفلفل وقلبيه حتي يحصل علي لونا ذهبيا خفيفا.
  3. احشي الفراخ ولكن لا تملئيها لآخرها واربطي قدميها.
  4. في اناء علي النار ضعي الماء يسخن ثم ضيفي الفراخ وضيفي بصلة وحبة طماطم وحبهان ومستكة وورقة لورا وملح واتركيها حتي تنضج.
  5. بعد سواها اخرجيها من الماء وضعيها في صينية وادهنيها بسمنةاو زبدة علي الوجه ورشيها بالفلفل الاسود وادخليها بالفرن تتحمر.

مقادير البامية الويكا:

  • بامية خضرة مقطعة ومسلوقة.
  • كوبين من الشوربة.
  • بهارات.
  • ثوم.
  • سمنة بلدي.
  • كسبرة ناشفة.
  • فلفل اسود.

طريقة تحضير البامية الويكا:

  1. ضعي كوبين من الشوربة يغلي علي النار ثم ضيفية البامية المقطعة واتركيهم.
  2. بعد سواء البامية اضربيها بمضرب اليد السلك حتي تتكسر جيدا وضيفي البهارات.
  3. في اناء اخر ضيفي سمنة بلدي وعليها الثوم وملعقة كسبرة ناشفة وفلفل اسود وشوحيهم حتي يتحمر الثوم ثم ضيفيهم علي وجه البامية.

مقادير بامية بالصلصة:

  • بامية خضرة مقمعة ومسلوقة.
  • شوربة.
  • بصل مبشور.
  • طماطم معصورة.
  • سمنة وزيت.
  • ملح.
  • بهارات.
  • حبتين فلفل اخضر.

طريقة تحضير بامية بالصلصة:

  1. في اناء علي النار ضعي السمنة والزيت يسخنوا ثم ضيفي البصل حمريه قليلا.
  2. ضيفي الطماطم المعصورة واتركيها تغلي وتتسبك.
  3. بعد التسبيك ضيفي البامية الخضرا ثم اتركيها قليلا في الصلصة حتي تاخذ من طعمها.
  4. ضيفي الشوربة ثم ضيفي الملح والفلفل والبهارات.
  5. ضيفي حبات الفلفل الاخضر حتي تعطي رائحة وطعم للأكلة.

مقادير فاصوليا بيضاء بالصلصلة:

  • فاصوليا بيضاء مسلوقة.
  • بصل مبشور.
  • سمنة وزيت.
  • طماطم معصورة.
  • شوربة او ماء.
  • ملح.
  • فلفل.
  • بهارات.

طريقة تحضير فاصوليا بيضاء بالصلصة:

  1. في اناء علي النار ضعي السمن والزيت يسخنوا ثم ضيفي البصل المبشور.
  2. قلبيه جيدا حتي يتحمر ثم ضيفي الطماطم المعصورة واتركيها لتتسبك.
  3.  ضيفي الفاصوليا ثم ضيفي الشوربة واتركيهم يغلوا وضيفي الملح والفلفل والبهارات.

يمكنك تقديم الوصفات مع ارز ابيض او بشعرية وبالهناء والشفاء.

قدمنا لكِ بالتفصيل عزومة فراخ وبامية بأكثر من طريقة نرجو ان يحوذ الفيديو والاكلات علي اعجابك ويسعدنا تواصلك معنا من خلال التعليقات.

يمكنك ايضا مشاهدة: بالفيديو: اعملي أحلي فراخ تندوري علي الطريقة الهندية

اكتب تعليق