Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

بالفيديو: طريقة عمل الشيش طاووق بتتبيلة خاصة

الشيش طاووق أكلة لذيذة وشهية وهي عبارة عن قطع دجاج مقطعة مكعبات وتتبل بطرق مختلفة, وتختلف طرق تتبيل الشيش طاووق من مطبخ لآخر, وده سبب تراجع ربات البيوت في عمل شيش الطاوق فى البيت, عشان كده جبنالك طريقة سهله وبسيطة لتحضير الشيش طاووق فى مطبخك في أسرع وقت .

مقادير الشيش طاووق

عايزة تعملي الشيش طاووق في بيتك زى بتاع المطاعم, فقط اتبعي الخطوات التالية لتحضير الشيش طاوق اللذيذ في أسرع وقت.

  • صدور فراخ مقطعة مكعبات
  • فنجان من الزيت
  • فنجان من اللبن
  • 2 معلقة كبيرة صلصة طماطم
  • معلقة صغيرة السبع بهارات
  • معلقة صغيرة زعتر
  • معلقة صغيرة فلفل أسود
  • معلقة صغيرة بهارات الفراخ
  • معلقة كبيرة سماق
  • نصف معلقة صغيرة بابريكا
  • ملح حسب الرغبة
  • عصير ليمونة كبيرة
  • فلفل أخضر وفلفل أصفر وفلفل أحمر مقطع مكعبات
  • بصل مقطع مكعبات
  • أسياخ شيش طاووق
  • ورق ألومنيوم فويل

طريقة تحضير الشيش طاووق

  • قومي بغسل صدور الفراخ جيدًا بالخل والملح والليمون ثم قومي بتقطيعها مكعبات صغيرة .
  • في إناء مناسب قومي بوضع الزيت واللبن والصلصة وقلبيهم معًا .
  • قومي بإضافة الملح والفلفل الأسود والبابريكا وبهارات الفراخ والسبع بهارات والسماق و الزعتر وقلبيهم جيدًا .
  • قومي بإضافة عصير ليمونة وقلبيها جيدًا .
  • قومي بوضع قطع الفراخ وقلبيهم جيدًا حتى تتأكدي من أن جميع أجزاء الفراخ تشربت من التتبيلة وتترك من 2 :8 ساعات تقريبًا .
  • في صينية قومي بوضع ورقة من الألومنيوم فويل ثم قومي بأخذ أول سيخ من أسياخ الشيش طاووق وقومي بوضع قطعة بصل ثم قطعة فلفل أخضر ثم قطعة فلفل أصفر ثم قطعة فلفل أحمر ثم قطعة فراخ متبلة وقومي بتكرار نفس الترتيب حتى تنتهي من السيخ الأول وأكملي بنفس الطريقة باستخدام باقي الأسياخ حتى تنتهي من باقي المكونات كلها .
  • بعد الانتهاء من وضع الأسياخ في الصينية قومي بتغطيتها بطبقة أخرى من الألومنيوم فويل وتدخل الفرن على أعلي درجة حتى تنضج الفراخ .
  • قومي بنزع طبقة الالومنيوم فويل ويترك على الشواية حتى يأخذ اللون الذهبي الشهي .

طريقة التقديم

قومي بوضع أسياخ الشيش طاووق في طبق التقديم ويمكنك تزينها بقطع الشيبسي وقدميها مع طبق التومية والمخللات المفضلة إليكي و بالهنا والشفا.

عن الكاتب

رنا عبدالرحمن

اكتب تعليق

(x)